Наманган шаҳар ҳокимлигида жиноятчилик ва ҳуқуқбузарликларнинг барвақт олдини олиш масалалари муҳокама қилинди
2026-05-17 17:55:00 / Янгиликлар
Наманган шаҳри ҳудудида жиноятчиликка қарши курашиш, ҳуқуқбузарликларнинг олдини олиш, ПҚ-1 ва ПҚ-2-сон қарорлари ижросини таъминлаш, шунингдек, Тошкент шаҳрининг Чилонзор ва Мирзо Улуғбек туманлари тажрибаси асосида амалий ишлар самарадорлигини ошириш мақсадида ички ишлар органлари ходимлари томонидан хизмат фаолияти ташкил этилмоқда.
Шу муносабат билан бугун бошқарма бошлиғи ҳузурида шаҳар ҳокимлиги, ҳуқуқни муҳофаза қилувчи органлар раҳбарлари, соҳага дахлдор ташкилот ва идоралар вакиллари, шунингдек, шаҳар ИИБ шахсий таркиби иштирокида йиғилиш ўтказилди.
Унда жорий йилнинг ўтган даври мобайнида амалга оширилган ишлар, эришилган натижалар ҳамда йўл қўйилган камчиликлар атрофлича таҳлил қилиниб, мавжуд муаммоларни бартараф этиш юзасидан тегишли вазифалар белгилаб берилди.
Муҳокама давомида Наманган шаҳар ИИБ бошлиғи, полковник Илхомжон Сотволдиевга шаҳар ҳудудида ПҚ-1 ва ПҚ-2-сон қарорларида белгиланган вазифалар ижросини самарали ташкил этиш, жорий ойда ўтказилиши режалаштирилган 65-халқаро Гуллар фестивалининг очилиш маросими ҳамда бошқа оммавий тадбирларда жамоат тартиби ва йўл ҳаракати хавфсизлигини таъминлаш бўйича устувор вазифалар белгилаб берилди.
Наманган вилояти ИИБ Ахборот хизмати