Сурхондарё вилоятида Президент қарорлари ижроси ҳамда Чилонзор ва Мирзо Улуғбек туманлари тажрибаси доирасидаги ишлар муҳокама қилинди
2026-05-17 12:05:00 / Янгиликлар
Ўзбекистон Республикаси Президентининг ПҚ-1-сон ва ПҚ-2-сон қарорлари ижроси, «Чилонзор тажрибаси» ҳамда «Мирзо Улуғбек тумани тажрибаси» доирасида Денов туманида ўрганишлар олиб борилиб, содир этилган жиноят муҳокама қилинди.
Денов тумани ҳокимлиги мажлислар залида маҳалла ҳудудларида хавфсиз муҳитни яратиш Президентимизнинг ПҚ-1-сон ва ПҚ-2-сон қарорлари ижроси, «Чилонзор тажрибаси» борасидаги ишлар атрофлича ўрганилиб, вилоят ҳокими Улуғбек Қосимов, вилоят ички ишлар бошқармаси бошлиғи, полковник Тимур Исмаилов ҳамда вилоят прокурори Бахтияр Бабаджановлар раҳбарлигида видеоселектор тарзида вилоят ва туман масъуллари иштирокида муҳокама йиғилиш ўтказилди.
Хусусан, Президентимизнинг ПҚ-1 ва ПҚ-2-сон қарорлари ижроси, «Чилонзор тажрибаси» ҳамда «Мирзо Улуғбек тумани тажрибаси» доирасида амалга оширилаётган ишлар, маҳаллаларда жиноят ва ҳуқуқбузарликларни олдини олиш, ижтимоий ҳолати оғир ҳудудларни «жиноятчиликдан холи ҳудуд»га айлантириш, «оғир» тоифадаги ёшлар билан ишлаш, хотин-қизлар ўртасида жиноятларнинг барвақт олдини олиш, оилавий муҳитни соғломлаштириш, аҳоли бандлигини таъминлаш каби масалалар муҳокама қилинди.
Шу билан бирга кўп қаватли турар-жой бинолари ва бошқа ҳудудларни камералаштириш, қўриққа олиш, аҳоли учун яратилаётган шароитлар, сурункали ичкиликбозликка, гиёҳвандлик ва заҳарвандликка мойил шахсларни даволаш ва реабилитация қилиш бўйича бажарилган ишлар ҳам муҳокама қилинди.
Йиғилишда криминоген вазияти мураккаб бўлган маҳаллаларда фаолият олиб бораётган «еттилик»нинг амалга ошираётган ишлари ва йўл қўйган камчиликлари танқидий кўриб чиқилиб, уларни бартараф этиш бўйича аниқ вазифалар белгилаб берилди.
Шунингдек, Денов тумани «Янги ариқ» маҳалласида содир этилган жиноят муҳокама қилиниб, келгусида бундай ҳолатларнинг олдини олиш мақсадида мутасаддиларга тегишли топшириқлар берилди.
Бу каби тизимли ва манзилли ишлар ҳудудларда тинчлик ва осойишталикни таъминлаш, аҳоли фаровонлигини ошириш ҳамда маҳаллаларни хавфсиз ҳудудга айлантириш йўлида муҳим аҳамият касб этмоқда.
Сурхондарё вилояти ИИБ Ахборот хизмати