Ички ишлар вазирлигининг «Хавфсиз шаҳар» тизимларини ривожлантириш маркази томонидан Андижон вилоятида техник мониторинг ишлари олиб борилмоқда
2026-05-16 10:00:00 / Янгиликлар
Ички ишлар вазирлигининг кўрсатмаси ижросини таъминлаш мақсадида «Хавфсиз шаҳар» марказининг Андижон вилояти бўлими ходимлари томонидан ҳудудларда ўрнатилган ва платформага интеграция қилинган видеокузатув камераларининг техник ҳолати ўрганилмоқда.
Аниқланган носозликларни бартараф этиш, қурилмаларга техник хизмат кўрсатиш ҳамда тизимларнинг узлуксиз ишлашини таъминлаш бўйича амалий ишлар олиб борилмоқда.
Шунингдек, жойларда радиоалоқа қурилмалари, профилактика инспекторларига бириктирилган планшетлар, электрон назорат тизимлари ва рақамли технологияларнинг самарали ишлаши юзасидан мониторинг тадбирлари ташкил этилди.
Бундан ташқари, маҳаллаларда жиноят ва ҳуқуқбузарликларнинг олдини олиш, хизмат фаолиятида замонавий рақамли ечимлардан самарали фойдаланиш ҳамда ички ишлар органлари хизматлари ўртасидаги ҳамкорликни янада мустаҳкамлаш бўйича тегишли чоралар кўрилмоқда.
Ички ишлар вазирлигининг «Хавфсиз шаҳар» тизимларини ривожлантириш маркази