Ўзбекистон Республикаси Ички ишлар вазирлиги

Ўзбекистон Республикаси Ички ишлар вазирлиги ўринбосари, генерал-майор Баходир Юлдошевич Мирзараҳимов томонидан Қорақалпоғистон Республикаси ҳудудида фуқаролар учун навбатдаги шахсий қабул ўтказилди.

Мазкур қабул аҳолининг мурожаатларини тинглаш, уларни қийнаётган муаммоларга ечим топиш ҳамда ички ишлар органлари фаолиятига доир таклиф ва мулоҳазаларни ўрганиш мақсадида ташкил этилди. Қабул давомида фуқаролар томонидан ижтимоий, ҳуқуқий, маиший ҳамда иш билан таъминлашга оид қатор масалалар кўтарилди.

Генерал-майор Баходир Мирзараҳимов ҳар бир мурожаатни атрофлича ўрганиб, уларнинг қонуний ечими юзасидан масъул раҳбар ва мутасаддиларга тегишли топшириқлар берди. Айрим мурожаатлар жойида ҳал этилган бўлса, қўшимча ўрганиш талаб этувчи масалалар назоратга олинди.

Шунингдек, қабул жараёнида аҳоли билан очиқ мулоқот қилиш, фуқароларнинг дарду-ташвишларини эшитиш ва уларнинг ҳуқуқ ҳамда манфаатларини таъминлаш давлат органлари фаолиятининг устувор йўналишларидан бири экани таъкидланди.

Бундай шахсий қабуллар аҳолининг давлат идораларига бўлган ишончини мустаҳкамлаш, жойлардаги муаммоларни ўз вақтида бартараф этиш ҳамда халқ билан мулоқот самарадорлигини оширишга хизмат қилмоқда.

ИИВ Транспорт ва туризм объектларида хавфсизликни таъминлаш Департаменти Ахборот гуруҳи