Андижон шаҳар ҳокимлигида ИИВ «Хавфсиз шаҳар» маркази мутахассислари томонидан семинар ўтказилди
2026-05-15 15:05:00 / Янгиликлар
Семинарда Ўзбекистон Республикаси Президентининг ПҚ-1-сон қарори ижроси юзасидан ҳудудларда «Хавфсиз шаҳар» тизимларини босқичма-босқич жорий этиш ҳамда видеокузатув инфратузилмасини ривожлантириш масалалари муҳокама қилинди.
Унда вилоят ҳокимлигининг Қурилиш ва инфратузилмаларни ривожлантириш котибияти ҳамда Аҳолини ижтимоий қўллаб-қувватлаш котибияти раҳбарлари, Вилоят электр тармоқлари корхонаси, «Ўзбектелеком» АК ҳудудий филиали, прокуратура ва ички ишлар органларининг масъул ходимлари иштирок этди. Шунингдек, туман ИИБ раҳбарлари ҳам онлайн тарзда қатнашди.
Йиғилиш давомида ҳудудларда «Хавфсиз шаҳар» концепцияси доирасида амалга оширилаётган ишлар, интеллектуал видеокузатув қурилмаларига қўйиладиган техник талаблар, уларни ўрнатиш меъёрлари, маълумотларни узатиш тармоқларини ташкил этиш ҳамда инфратузилмани тайёрлаш масалалари атрофлича муҳокама қилинди.
Мутасаддилар томонидан ҳудудларда замонавий рақамли хавфсизлик тизимларини жорий этиш, мавжуд инфратузилмани техник жиҳатдан тайёрлаш ҳамда сунъий интеллект асосидаги видеокузатув тизимлари имкониятларидан самарали фойдаланиш бўйича тегишли вазифалар белгилаб олинди.
Ички ишлар вазирлигининг «Хавфсиз шаҳар» тизимларини ривожлантириш маркази