Ички ишлар вазирлигининг раҳбарияти томонидан Фарғона вилоятининг Фарғона, Қувасой шаҳарлари ва Тошлоқ, Қува, Фарғона туманларида хавфсиз муҳитни таъминлаш борасида амалий ишлар олиб борилди
2026-05-15 11:15:00 / Янгиликлар
Хусусан, ички ишлар вазирининг биринчи ўринбосари генерал-майор Рустам Джураев томонидан Фарғона вилояти ИИБ ЖХХ ЖТСБ ППХ баталонида ходимларга яратилган шароитлар ўрганилди. Шаҳар ва туманларда ҳар ҳафта йиғма отрядлар иштирокида ўқув машғулотлари ўтказиш, ходимларнинг тиббий ёрдам кўрсатиш бўйича назарий ва амалий кўникмаларини ошириш, махсус воситалар ҳамда қайтарувчи газлардан фойдаланиш вақтидаги ҳаракатлар кетма-кетлиги бўйича Миллий гвардия билан ҳамкорликда машғулотлар ўтказиш юзасидан топшириқлар берилди.
ТВБСО биноси ва МОМБ бўлимлари фаолияти ҳам ўрганилиб, биноларни замонавий талаблар асосида таъмирлаш, хизмат итлари учун махсус машқ майдончаси ташкил этиш, уларни гиёҳванд ва портловчи моддаларни аниқлаш ҳамда патруль хизмати йўналишларида тайёрлаш, ўқув жойлари ва замонавий волерлар қуриш, шунингдек кинологлар таркибини мутахассис кадрлар билан тўлдириш бўйича вазифалар белгилаб берилди.
Фарғона шаҳрида «М.Улуғбек тажрибаси» асосида ташкил этилган штаб фаолияти ўрганилди. Шаҳар ИИБ бошлиғи ва ҳоким томонидан маҳаллаларда хавфсиз муҳит яратиш бўйича амалга оширилган ишлар юзасидан ахборот берилди. Бироқ штаб фаолиятида ҳисобот тизими ва ишчи гуруҳлар фаолияти тўлиқ йўлга қўйилмагани сабабли, барча тизимларни бир ҳафта муддатда тўлиқ ишга тушириш бўйича топшириқ берилди.
Тошлоқ туманида ИИБ биносида яратилган шарт-шароитлар кўздан кечирилиб, «Чилонзор» ва «Мирзо Улуғбек» тажрибалари асосида масъул раҳбарлар билан муҳокамалар ўтказилди. Шу билан бирга, таълим муассасалари қоровуллигига ёшларни ички ишлар органлари ва Миллий гвардияга номзод сифатида тайёрлаш бўйича кўрсатмалар берилди.
Қува туманида Янги Қува МФЙ, Таваккал Қодиров музейи, маҳалла кутубхонаси ва 1-сонли Ҳуқуқ-тартибот маскани фаолияти билан танишилди. Туман Қўриқлаш бўлими ҳудудида спорт машғулотлари учун махсус майдон барпо этиш бўйича таклифлар ишлаб чиқиш ва қурилиш ишларини бошлаш вазифаси қўйилди. Шунингдек, қўшимча тезкор ҳаракатланувчи гуруҳлар ташкил этиш, аҳоли гавжум жойларига кузатув камералари ўрнатиш ва уларни ситуацион марказга интеграция қилиш, чегара ҳудудларда барқарорликни таъминлаш ҳамда профилактик тадбирларни кучайтириш бўйича тегишли кўрсатмалар берилди.
ИИВ Жамоат хавфсизлиги департаменти Ахборот хизмати