Ички ишлар вазирлиги раҳбарияти томонидан Қорақалпоғистон Республикасида жамоат хавфсизлиги ва профилактика тизими фаолиятини ўрганилди
2026-05-14 18:55:00 / Янгиликлар
Ўзбекистон Республикаси Ички ишлар вазири ўринбосари, генерал-майор Баҳодир Мирзараҳимов Қорақалпоғистон Республикасидаги Вазирликнинг биринчи минтақавий ҳудудий мувофиқлаштириш марказида бўлиб, марказ фаолияти ҳамда ходимлар учун яратилган хизмат шароитлари билан танишди.
Ташриф давомида марказ томонидан жамоат хавфсизлигини таъминлаш, ҳуқуқбузарликларнинг олдини олиш, тезкор вазиятни назорат қилиш ва ҳудудларда профилактик ишлар самарадорлигини ошириш борасида амалга оширилаётган ишлар кўриб чиқилди.
Шунингдек, генерал-майор Баҳодир Мирзараҳимов Қўнғирот туманидаги 7-сон ҳудуд тартибот масканида ҳам бўлиб, ички ишлар органлари ходимларининг хизмат фаолиятини ўрганди. Масканда аҳоли билан ишлаш тизими, мурожаатларни қабул қилиш, профилактик тадбирларни ташкил этиш ҳамда жамоат тартибини сақлаш борасидаги ишлар таҳлил қилинди.
Ташриф чоғида ходимларнинг хизмат интизоми, замонавий ахборот технологияларидан фойдаланиш даражаси ва профилактика ишларини манзилли ташкил этиш масалаларига алоҳида эътибор қаратилди. Шу билан бирга, соҳада учраётган айрим камчиликлар танқидий муҳокама қилиниб, уларни бартараф этиш бўйича тегишли кўрсатмалар берилди.
Учрашув якунида жамоат хавфсизлигини таъминлаш, аҳоли билан мулоқотни янада кучайтириш ва ҳуқуқбузарликларнинг барвақт олдини олиш бўйича иш самарадорлигини ошириш юзасидан масъул ходимларга аниқ вазифалар юклатилди.
Транспорт ва туризм объектларида хавфсизликни таъминлаш Департаменти Ахборот гуруҳи