Ўзбекистон Республикаси Ички ишлар вазирлиги

Сурхондарё вилояти ички ишлар бошқармасида, Ўзбекистон Республикаси Ички ишлар вазирининг тегишли режа-топшириғи ижросини таъминлаш мақсадида, вилоят ҳудудида жиноятчиликни “маҳаллабай” жиловлаш, аҳолининг кунлик ижтимоий-маиший муаммоларини “фуқаробай” ҳал этиш борасида амалга оширган ишлари, йўл қўйилган хато ва камчиликлар ҳамда келгусидаги истиқболли вазифалар муҳокама этилди.

Муҳокама йиғилишида Ички ишлар вазири ўринбосари полковник Рамазон Ашропов, вилоят ички ишлар бошқармаси бошлиғи полковник Тимур Исмаилов, бошқарма бошлиғи ўринбосарлари, барча соҳавий хизмат раҳбарлари, шаҳар-туман ички ишлар бўлимлари бошлиқлари, уларнинг барча ўринбосарлари, бўлинма бошлиқлари, барча шахсий таркиби қатнашди.

Видеоселектор тарзида ўтказилган йиғилишда Ички ишлар вазири ўринбосари, полковник Рамазон Ашроповнинг вилоят ҳудудида жиноятчиликни жиловлаш, ҳуқуқбузарликларга қарши курашиш, жамоат тартибини сақлаш, йўл-ҳаракати хавфсизлигини таъминлаш, қўриқлаш хизмати томонидан объектларни қўриқловга олиш, ҳудудларда криминоген вазиятни яхшилаш борасида амалга оширилган ишлар юзасидан ички ишлар вазирлиги ишчи гуруҳи томонидан олиб борилган ўрганиш ишлари ҳамда кўрсатилган амалий ёрдам борасидаги маърузаси эшитилиб, аниқланган камчилликларни бартараф этиш бўйича ижрога қаратилди.

Шунингдек, муҳокама йиғилишда вазир ўринбосари, Президентимизнинг ПҚ-1 сонли ва ПҚ-2 сонли Қарори ижроси, “Чилонзор тажрибаси”, “Мирзо Улуғбек тумани тажрибаси”, мурожаатлар билан ишлаш, вилоятда криминоген вазият аҳволи ва жиноятчиликни жиловлаш борасида кўрилган чораларни танқидий муҳокама қилди ҳамда келгусидаги вазифаларни белгилаб берди.

Шунингдек, коррупция ва тамагирликка йўл қўймаслик, хизмат интизоми ва қонунийликка риоя қилиш, ходимларнинг касбий, хизмат ҳамда жанговар тайёргарлиги борасида раҳбариятнинг қатъий талаб ва топшириқларини ходимларга етказди.

Танқидий руҳда ўтган йиғилишда вилоятда ҳуқуқбузарликлар профилактикаси, жамоат тартибини сақлаш, йўл ҳаракати хавфсизлигини таъминлаш, қўриқловга олиш, кибержиноятга қарши кураш, содир этилган жиноятларида тергов ва суриштирувларни олиб бориш борасида амалга оширилган ишлар атрофлича таҳлил этилди.

Фаолият давомида эришилган ютуқлар билан бир қаторда йўл қўйилган камчиликлар ҳам муҳокама қилиниб, жиноятчиликнинг айрим турлари ошган шаҳар-туман ички ишлар бўлимлари ҳамда соҳавий хизмат раҳбарларига бу борада амалга оширилиши лозим бўлган чора-тадбирлар хусусида аниқ топшириқлар берилди.

Йиғилишда хизмат давомида камчиликларга йўл қўйган соҳавий хизмат ҳамда шаҳар-туман ИИБларнинг айрим ходимлари фаолияти муҳокама этилиб, тегишли таъсир чоралари белгиланди.

ИИВ ҳузуридаги Тергов департаменти