ИИВ раҳбарияти томонидан Кармана ва Нурота туманлари ҳамда Ғозғон ва Навоий шаҳрида криминоген вазиятни барқарорлаштириш ҳамда ходимларнинг хизмат ва яшаш шароитларини яхшилаш борасидаги ишлар ўрганилди
2026-05-14 12:40:00 / Янгиликлар
Ички ишлар вазири ўринбосари ҳамда Бош прокурорнинг биринчи ўринбосари бошчилигидаги ишчи гуруҳ томонидан Навоий шаҳри, Кармана ва Нурота туманлари ҳамда Ғозғон шаҳрида криминоген вазият, маҳалла еттилиги фаолияти, профилактика ишлари ва ходимларнинг ижтимоий ҳимояси ўрганилди.
Навоий шаҳридаги «Кимёгар» МФЙда жиноятчилик ва ҳуқуқбузарликларнинг олдини олиш, хотин-қизларни қўллаб-қувватлаш ҳамда Президентнинг ПҚ–1 ва ПҚ–2-сон қарорлари ижроси таҳлил қилиниб, маҳаллаларда хавфсиз муҳит яратиш бўйича зарур топшириқлар берилди. Навоий шаҳар ИИБда ҳудуддаги криминоген вазият, профилактика ишлари ва инспектор-психологлар фаолияти юзасидан тақдимотлар тингланди. Шунингдек, бозор ва аҳоли гавжум жойларини кузатув камералари ҳамда ташвиш тугмалари билан жиҳозлаш масалаларига эътибор қаратилди.
Кармана туманидаги «Янги ариқ» маҳалласида маҳалла еттилиги фаолияти, жиноятчилик аҳволи ва мавжуд муаммолар муҳокама қилиниб, тарғибот-ташвиқот ишларини кучайтириш лозимлиги таъкидланди. Тумандаги марказий «Деҳқон» бозори ҳамда Миллий гвардиянинг отлиқ отрядлари фаолияти ҳам ўрганилди.
Нурота туманидаги «Ғофур Ғулом» ва Ғозғон шаҳридаги «Шайхон» маҳалласида хавфсиз муҳит яратиш, профилактика самарадорлигини ошириш ҳамда аҳоли билан мулоқотни кучайтириш масалалари муҳокама қилинди. «Мармаробод» заводида аҳоли бандлигини таъминлаш борасидаги ишлар билан танишилди.
Ўрганишлар давомида профилактика инспекторларининг хизмат ва яшаш шароитларига ҳам алоҳида эътибор қаратилиб, катта лейтенант Бобиржон Тўраевнинг хизмат уйи кўздан кечирилди. Якунда ходимларни ижтимоий қўллаб-қувватлаш тизим самарадорлигини оширишдаги муҳим омил экани таъкидланди.