Қашқадарё вилояти ИИБда «Рақамли замонда киберхавфсизликни таъминлаш: замонавий кибертаҳдидлар ва уларга қарши чоралар» мавзусида амалий учрашув ташкил этилди
2026-05-12 19:40:00 / Янгиликлар
Тадбирда вилоят ИИБ бошлиғи Абдувоҳид Исмоилов ҳам иштирок этиб, кибержиноятчиликка қарши курашиш бугунги куннинг муҳим вазифаларидан бири эканлигини алоҳида таъкидлади.
Шунингдек, интернет орқали содир этилаётган фирибгарлик, фишинг, зарарли дастурлар ва ижтимоий тармоқлар орқали амалга оширилаётган таҳдидларнинг ошиб бораётгани илова қилиниб, унга қарши аҳоли, айниқса ёшларни огоҳликка чақириш бўйича иштирокчи журналист ва блогерларга мутахассислардан томонидан маълумотлар улашилди.
Мулоқот давомида соҳадаги мавжуд муаммолар юзасидан иштирокчиларнинг ҳам таклиф ва ташаббуслари тингланди. Якунда кибертаҳдидларнинг олдини олишда ҳамкорликни янада кучайтириш, профилактик чора-тадбирларни тизимли давом эттириш ва у орқали аҳолининг саводхонлигини ошириш бўйича келгуси вазифалар белгилаб олинди.
Қашқадарё вилояти ИИБ Ахборот хизмати