ИИВ раҳбарияти томонидан Урганч туманидаги “Ёшлик” ва “Ровот” маҳаллалари “еттилиги“ ҳамда ходимларининг кундалик иш фаолиятлари ўрганилди
2026-05-11 11:25:00 / Янгиликлар
Ўзбекистон Республикаси Ички ишлар вазири ўринбосари, генерал-майор Баходир Юлдошевич Мирзарахимов томонидан Урганч туманидаги “Ёшлик” ва “Ровот” маҳаллаларида фаолият юритаётган маҳалла “еттилиги” аъзолари ҳамда соҳавий хизмат ходимларининг кундалик иш фаолияти ўрганилди.
Ташриф давомида маҳаллаларда жиноятчилик ва ҳуқуқбузарликларнинг олдини олиш, аҳоли билан манзилли ишлаш, ижтимоий профилактика тадбирларини самарали ташкил этиш ҳамда мурожаатлар билан ишлаш ҳолати таҳлил қилинди. Шунингдек, маҳалла фуқаролар йиғини, профилактика инспекторлари, ёшлар етакчилари ва бошқа мутасадди ташкилотлар ўртасидаги ҳамкорлик даражасига алоҳида эътибор қаратилди.
Ўрганиш жараёнида ҳар бир хонадон кесимида олиб борилаётган ишлар, муаммоли оилалар билан ишлаш, ёшлар ўртасида ҳуқуқбузарликларнинг олдини олиш ҳамда хотин-қизлар бандлигини таъминлаш борасида амалга оширилаётган чора-тадбирлар юзасидан масъулларга тегишли тавсия ва кўрсатмалар берилди.
Шу билан бирга, маҳаллаларда тинчлик ва осойишталикни таъминлаш, аҳолининг ҳуқуқий онги ва маданиятини юксалтириш, профилактик тадбирларни замонавий ёндашувлар асосида ташкил этиш бугунги куннинг муҳим вазифаларидан бири экани таъкидланди.
Тадбир якунида мутасадди ходимларга хизмат самарадорлигини янада ошириш, аҳоли билан мулоқотни кучайтириш ҳамда ҳар бир мурожаатга масъулият билан ёндашиш бўйича аниқ вазифалар белгилаб берилди.
Транспорт ва туризм объектларида хавфсизликни таъминлаш Департаменти Ахборот гуруҳи