Андижон вилояти ИИБ раҳбарияти томонидан Марҳамат тумани ички ишлар бўлими учун янги барпо этилаётган маъмурий бинонинг қурилиш ишлари кўздан кечирилди
2026-05-07 09:00:00 / Янгиликлар
Андижон вилояти ИИБ бошлиғи, полковник Санжар Джабаров Марҳамат туманида бўлиб, ҳудудда барпо этилаётган янги ички ишлар бўлими биносининг қурилиш жараёнлари билан яқиндан танишди.
Унда қурилиш майдонида муҳандис-қурувчилар ва масъуллар билан мулоқот ўтказиб, амалга оширилаётган бунёдкорлик ишларининг бориши, лойиҳа кўлами, мавжуд эҳтиёжлар ҳамда таъминот масалаларини атрофлича муҳокама қилди.
Шунингдек, биноларни замонавий талаблар асосида янада такомиллаштириш бўйича ўзининг аниқ таклиф ва тавсияларини билдирди.
Ўрганишлар жараёнида қурилиш ишларини сифатли ва белгиланган муддатларда якунлаш юзасидан масъулларга аниқ топшириқ ва кўрсатмалар берилди.
Бу каби кенг қамровли бунёдкорлик ишлари аҳоли хавфсизлигини таъминлаш, ҳудудларда ҳуқуқ-тартиботни янада мустаҳкамлаш, шунингдек, ички ишлар органлари фаолияти самарадорлигини оширишга хизмат қилади.
Андижон вилояти ИИБ Ахборот хизмати