Қашқадарё вилоятида маҳаллаларда хавфсиз муҳитни яратиш ва жиноятчилик профилактикасини кучайтириш бўйича устувор вазифалар белгилаб олинди
2026-05-06 12:10:00 / Янгиликлар
Бош прокурорнинг биринчи ўринбосари Б. Валиев раҳбарлигида Президентнинг 2026 йил 5 январдаги “Республика маҳаллаларида хавфсиз муҳитни яратиш йўналишида яхлит манзилли ишлаш тизимини жорий этишга қаратилган қўшимча чора-тадбирлар тўғрисида”ги ПҚ–1-сонли ҳамда “2026 йилда республика маҳаллаларида жиноятчиликнинг барвақт профилактикаси самарадорлигини янада ошириш бўйича ташкилий чора-тадбирлар тўғрисида”ги ПҚ–2-сонли қарорлари ижросини таъминлаш мақсадида Қашқадарё вилоятида Республика идоралараро мувофиқлаштириш штаби ташкилий йиғилиши бўлиб ўтди.
Кенгайтирилган тарзда ўтказилган тадбирда Ички ишлари вазирининг биринчи ўринбосари Б.Қудратхўжаев, вилоят прокурори Б.Сайипов, вилоят ички ишлар бошқармаси бошлиғи А.Исмоилов, Республика идоралараро мувофиқлаштириш штаби ва ишчи гуруҳи аъзолари, Камбағалликни қисқартириш ва бандлик, Адлия, Мактабгача ва мактаб таълими, Соғлиқни сақлаш, Олий таълим, фан ва инновациялар вазирликлари, Ўзбекистон маҳаллалар уюшмаси, Оила ва хотин-қизлар қўмитаси ҳамда уларнинг ҳудудий бошқармалари масъул раҳбарлари, ҳуқуқ-тартибот идоралари таълим ва илмий ташкилотлари раҳбарлари, Бош прокуратуранинг тегишли бошқармалари масъул ходимлари, Қашқадарё вилояти идоралараро мувофиқлаштириш штаби ва ишчи гуруҳи аъзолари, шунингдек бошқа мутасадди идора ва ташкилотлар раҳбарлари иштирок этдилар.
Йиғилишда вилоят маҳаллаларида хавфсиз муҳитни яратиш бўйича яхлит манзилли ишлаш тизимини жорий этиш, шунингдек жиноятчиликнинг барвақт профилактикаси самарадорлигини янада оширишга қаратилган устувор вазифалар белгилаб олинди.
Республика идоралараро мувофиқлаштириш штабининг Қашқадарё вилоятидаги ўрганишлари давом этмоқда.
Қашқадарё вилояти ИИБ Ахборот хизмати