Андижонда рақамлаштириш ва сунъий интеллект асосида назорат тизимларини такомиллаштириш масалалари муҳокама қилинди
2026-04-29 18:40:00 / Янгиликлар
Андижон вилояти прокурори М.Абдухакимов ҳамда вилоят ИИБ бошлиғи полковник С.Джабаровлар бошчилигида Андижон шаҳрида соҳаларни рақамлаштириш бўйича амалга оширилаётган ишлар юзасидан йиғилиш ўтказилди.
Йиғилишда, вилоят прокурорининг соҳавий ўринбосарлари, маҳкаманинг тармоқ раҳбарлари, МИБ, Департамент, Солиқ, ИИБ бошқармалари бошлиқлари, шаҳар ҳокими, прокурори, ички ишлар бўлими бошлиғи ва масъул ходимлари ҳамда тегишли ташкилот ва муассаса раҳбарлари қатнашди.
Хусусан, йиғилишда асосий эътибор Андижон шаҳрини барча соҳаларда рақамлаштириш ва сунъий интеллект имкониятларидан фойдаланган ҳолда янги назорат механизмларини жорий этишга қаратилди.
Шунингдек, масъулларга жиноятчилик ва коррупсияга қарши курашиш ҳамда яширин иқтисодиётнинг олдини олиш бўйича соҳалар кесимида амалга оширилиши лозим бўлган долзарб вазифалар белгилаб берилди.
Якунда тармоқ раҳбарлари ва масъулларнинг тушунтиришлари эшитилди ва амалга оширилиши лозим бўлган ишлар юзасидан аниқ топшириқлар берилиб, ижроси назоратга олинди.
Андижон вилояти ИИБ Ахборот хизмати