ИИВ академиясининг Хорижий кадрлар билан ишлаш факультетида таълим олаётган курсантлар учун онлайн форматдаги машғулот ташкил қилинди
2026-04-26 15:00:00 / Янгиликлар
Қирғизистон Республикаси ИИВ академияси билан ҳамкорликда ўтказилган машғулотни мазкур таълим муассасаси профессори Сагинбек Кадирбеков олиб борди.
Тажрибали мутахассис кибермаконда юзага келаётган таҳдид ва хатарлар, ахборот технологиялари ёрдамида содир қилинаётган жиноятлар, киберфирибгарликнинг замонавий кўринишлари, уларнинг содир этилиш усуллари ва олдини олиш чоралари, ички ишлар органлари учун кибержиноятларга қарши курашиш йўналишида малакали кадрлар тайёрлаш масалаларига тўхталиб ўтди.
Машғулот интернет маконида хавфсизликни таъминлаш долзарб муаммога айланаётган ҳозирги шароитда ўзаро тажриба алмашиш, курсантларнинг билим ва кўникмаларини оширишда муҳим аҳамият касб этди.
ИИВ академияси Ахборот хизмати