ИИВ ҳузуридаги Миграция ва персоналлаштириш департаменти томонидан рақамлаштириш йўналишидаги ислоҳотлар ва ахборот тизимларини такомиллаштиришга бағишланган ўқув-семинар ташкил этилди
2026-04-25 15:15:00 / Янгиликлар
Ҳозирги кундаги рақамлаштириш соҳасига доир амалий кўникмаларини ошириш ва янгиликлардан хабардор бўлиш, ИИВ ҳузуридаги МваПД тизимида амалга оширилаётган ислоҳотлар янги жорий этилаётган тизимлар ҳамда Ички ишлар вазирлигида мавжуд ахборот тизимлар ва рақамлаштириш йўналишида амалга оширилаётган ислоҳотлар, шунингдек, фойдаланиб келинаётган дастурий таъминотлардаги янгиликлар ва тизимдаги мавжуд техник муаммолар ва уларни ечимлари шу билан бирга фуқаролар мурожаатларини ўз вақтида кўриб чиқиш ва камайтириш чораларини кўриб чиқиш юзасидан 2026 йил 23 ва 24 апрель кунлари Қорақалпоғистон Республикаси ИИВ, Тошкент шаҳар ва Тошкент вилояти ИИББ ҳамда вилоятлар ИИБ ҳузуридаги МваП бошқармаларининг Рақамлаштириш технологиялар йўналишидаги ходимларга миграция бўлинмаларидаги мавжуд тизимлар ва уларнинг янада такомиллаштириш юзасидан Департамент биносида икки кунлик ўқув-семинар ташкил этилди.
Ушбу ташкил этилган ўқув-семинарда давомида Ўзбекистон Республикаси Президентининг 2026 йил 19 январь кунидаги «Ички ишлар органларининг миграция ва персоналлаштириш соҳасидаги фаолиятини рақамлаштириш орқали сифат жиҳатидан янги босқичга кўтариш чора-тадбирлари тўғрисида»ги ПҚ–14-сон Қарори билан белгиланган амалга оширилиш лозим бўлган вазифалар, ушбу қарор билан аҳолига янада қулай бўлган янги тизимлар ишлаб чиқиш жараёнлари ҳамда ҳудудлардаги мавжуд муаммолар ва уларни ечимлари юзасидан маълумотлар берилди.
Ўқув-семинар давомида Адлия вазирлиги, Рақамли технологиялар вазирлиги, Ички ишлар вазирлигининг соҳавий хизматлари ва дастурчи мутахассислар таклиф этилиб савол жавоблар кўринишда ўтказилди.
Ўқув-семинарда фаол қатнашган ходимларга Департамент бошлиғи имзоси билан имзоланган Сертификатлар топширилди.
ИИВ ҳузуридаги Миграция ва персоналлаштириш департаменти