Наманган вилояти ИИБ раҳбарияти томонидан Давлатобод туманида ўрганиш ишлари олиб борилди
2026-04-23 00:40:00 / Янгиликлар
Наманган вилояти ИИБ раҳбарияти томонидан маҳаллаларда олиб борилаётган ўрганиш ишлари тизимли равишда ташкил этилиб, унда профилактика инспекторлари ҳамда ҳудудларга бириктирилган масъул ходимларнинг хизмат фаолияти, шунингдек, аҳоли хавфсизлигини таъминлаш борасида амалга оширилаётган ишлар атрофлича таҳлил қилинмоқда.
Хусусан, Давлатобод туманидаги ўрганиш ишлари “Давлатобод” маҳалласидан бошланиб, профилактика инспектори ва бириктирилган масъул ходимларнинг “Чилонзор тумани тажрибаси“ асосида олиб бораётган фаолияти танқидий руҳда муҳокама қилинди. Шундан сўнг, “Янги тонг“ маҳалласининг “Ғалаба” кўчасида ўрнатилган “SOS” тугмасининг ишлаш тартиби ҳамда ушбу йўналишда хизмат олиб бораётган нарядлар фаолияти ўрганилди.
Шунингдек, “Мустақиллик” ва “Нуробод” маҳаллаларида хизмат олиб бораётган профилактика инспекторлари ҳамда маҳалла ходимларининг ўзаро ҳамкорликдаги ишлари чуқур таҳлил этилди.
Ўрганишлар давомида маҳаллаларда хавфсиз муҳитни шакллантириш, “қизил” тоифадаги ҳудудларни босқичма-босқич “яшил” тоифага ўтказиш, шунингдек, “яшил” тоифадаги маҳаллаларда криминоген вазият барқарорлигини сақлаб қолиш юзасидан аниқ топшириқлар берилди.
Наманган вилояти ИИБ Ахборот хизмати