Тошкент вилояти Чирчиқ шаҳрида ўқувчи-талабалар ўртасида ҳуқуқбузарликларнинг олдини олишга қаратилган тарғибот кучайтирилмоқда
2026-04-23 00:35:00 / Янгиликлар
Ўзбекистон Республикаси Президентининг 2026 йил 5 январдаги ПҚ–1-сон қарори ижроси доирасида Ички ишлар вазирлиги Академияси ишчи гуруҳи томонидан Чирчиқ шаҳридаги таълим муассасаларининг ўқувчи ва талабалари иштирокида профилактик ва тарғибот тадбирлари ташкил этилмоқда.
Профессор-ўқитувчилар ҳамда магистратура тингловчилари иштирокида ўқувчи-талабалар ўртасида ҳуқуқбузарликларнинг барвақт олдини олиш, кибержиноятчилик ва гиёҳвандликка қарши курашиш, безорилик, шахсга тан жароҳати етказиш мавзуларида учрашувлар ўтказилмоқда.
Тадбирлар давомида ёшларга амалдаги қонунчилик талаблари, мавжуд хавф-хатарлар ва уларнинг олдини олиш чоралари юзасидан аниқ тушунтиришлар берилиб, ҳуқуқий маданиятни оширишга алоҳида эътибор қаратилмоқда.
Мазкур илмий-амалий ёндашув ёшлар орасида ҳуқуқбузарликларнинг олдини олиш ва хавфсиз муҳитни таъминлашга хизмат қилмоқда.
Тошкент вилояти ИИББ Ахборот хизмати