Осиёда тинчлик, хавфсизлик ва барқарорликни мустаҳкамлаш бўйича халқаро форум (CICA) вакили Фарид Дамирлининг Самарқанд форуми боhасидаги фикрлари
2026-04-21 14:00:00 / Янгиликлар
Ушбу халқаро форум Ўзбекистон Республикаси ва Бирлашган Миллатлар Ташкилотининг Наркотиклар ва жиноятчилик бўйича бошқармаси ҳамкорлигида ташкил этилган муҳим ва долзарб тадбир ҳисобланади.
У турли давлатлардан келган расмийлар ва экспертлар учун гиёҳвандлик воситалари ноқонуний айланмаси ҳамда у билан боғлиқ жиноятчиликка оид муаммоларни муҳокама қилиш учун муҳим мулоқот майдонини яратди.
Форумда Ўзбекистон томонидан юқори даражада ташкил этилгани, хусусан, Саида Мирзиёеванинг иштирок этиши мамлакатингизда мазкур масалага алоҳида эътибор қаратилаётганини яққол намоён этди.
Таъкидланганидек, гиёҳвандлик билан боғлиқ жиноятлар нафақат бир мамлакат, балки бутун жаҳон ҳамжамияти учун умумий таҳдид бўлиб, унга қарши курашишда халқаро ҳамкорлик ва биргаликдаги саъй-ҳаракатлар муҳим аҳамият касб этади.
Жаҳон божхона ташкилоти ва Жаҳон соғлиқни сақлаш ташкилоти каби нуфузли халқаро тузилмаларнинг фаол иштироки мазкур муаммонинг кўп қиррали эканини яна бир бор тасдиқлайди. Бу эса ҳуқуқни муҳофаза қилиш, жамоат саломатлиги ва халқаро ҳамкорликни уйғунлаштирган комплекс ёндашув зарурлигини кўрсатади.
Форум якунида қабул қилиниши кутилган Самарқанд декларацияси ҳамда тегишли ҳаракатлар режаси аниқ ва барқарор натижаларга эришишга хизмат қилиши кутилмоқда. Ушбу саъй-ҳаракатлар аввало ёш авлод учун хавфсиз муҳит яратиш, ҳамда гиёҳвандлик ва у билан боғлиқ жиноятлардан ҳоли жамият барпо этишга қаратилган.