Ички ишлар вазирлиги раҳбарияти томонидан Қорақалпоғистон Республикаси ҳудудида 2026 йилнинг 3-ойи давомида жиноят ва ҳуқуқбузарликларнинг олдини олиш борасида амалга оширилган ишлар сарҳисобига бағишланган йиғилиш бўлиб ўтди
2026-04-16 17:00:00 / Янгиликлар
Йиғилишда Ички ишлар вазири ўринбосари, генерал-майор Баходир Мирзарахимов, Қорақалпоғистон Республикаси ички ишлар вазири полковник Бахтияр Торебеков, вазир ўринбосарлари, соҳавий хизмат ҳамда шаҳар-туман ИИБ раҳбарлари иштирокида 2026 йилнинг 3 ойи давомида хизмат фаолияти якунлари бўйича сарҳисоб йиғилиши ўтказилди.
Ички ишлар вазирининг биринчи ўринбосари сўзга чиқиб, республикада криминоген вазият ҳақида ахборот берилиб, сўнг республика ҳудудида соҳавий хизматлар ва ички ишлар бўлимлари томонидан ҳуқуқбузарлик ва жиноятчиликнинг барвақт олдини олиш, криминоген вазияти оғир бўлган ҳудудлар, жиноятчиликни жиловлашда йўл қўйилган камчиликлар фаолиятлари танқидий-таҳлил этилди.
Ўтган йилда вилоят ҳудудида жиноят ва ҳуқуқбузарликларнинг олдини олиш, қонун устуворлигини таъминлаш, жамоат тартибини сақлаш, фуқаролар учун хавфсиз муҳитни яратиш борасида ички ишлар органлари ходимлари томонидан амалга оширилган ишлар, йўл қўйилган хато ва камчиликлар ҳамда келгусидаги устувор вазифалар муҳокама қилинди.
Шунингдек, Давлатимиз раҳбарининг маҳаллаларда хавфсиз муҳитни яратишга қаратилган қарорининг мазмун-моҳияти, ижросини таъминлашда еттилик ва ҳуқуқни муҳофаза қилувчи бошқа органлар билан ҳамкорликни мустаҳкамлаш лозимлиги таъкидланди.
Бундан ташқари фуқаролар мурожаатларини ўрганиш, тез ва сифатли ҳал этиш, хизмат интизоми ҳамда қонунчилик талабларига қатъий риоя этиш юзасидан тегишли кўрсатмалар берилди.
Танқидий руҳда ўтган йиғилишда келгусида жиноятчиликни олдини олиш, жиловлаш ва фош этиш, фуқаролар тинчлиги, осойишталигини таъминлаш ва айниқса вояга етмаганлар ўртасида учраётган гиёҳвандлик иллатига қарши муросасиз курашиш борасида масъулларга зарур топшириқлар берилиб, аниқ вазифалар белгиланди.
Қорақалпоғистон Республикаси ИИВ Ахборот хизмати