Ички ишлар вазирлиги раҳбарияти томонидан Бухоро вилоятида пробация хизматлари фаолияти танқидий-таҳлилий ўрганилди
2026-04-13 18:00:00 / Янгиликлар
ИИВ Жамоат хавфсизлиги департаменти бошлиғи ўринбосари – Пробация бошқармаси бошлиғи, полковник Азамат Ўроқов ҳамда Пробация бошқармаси бошлиғи ўринбосари, подполковник А.Абдикадировлар Бухоро вилоятида бўлиб, ходимларнинг иш шароитлари ва пробация назорати остида турган шахслар иштирокида олиб борилаётган профилактик тадбирлар сифати билан яқиндан танишди.
Жараёнда Когон шаҳри ҳамда Ғиждувон, Шофиркон, Жондор, Вобкент, Бухоро, Когон, Пешку, Ромитан туманларидаги Пробация бўлинмалари фаолияти ўрганилди.
Ҳудудий бўлинмалар томонидан пробация назорати остида турган шахслар билан боғлиқ қайта жиноятлар содир этилишининг олдини олиш, ҳуқуқбузарликларга чек қўйиш, назоратдаги шахсларнинг ижтимоий мослашувини таъминлаш, уларнинг бандлигига кўмаклашиш ҳамда соҳани рақамлаштиришга оид амалга оширилаётган ишлар текширилиб, аниқланган камчиликлар юзасидан масъулларга алоҳида кўрсатмалар таъкидланди.
Кун тартибидаги тадбирлар давомида ИИВ Жамоат хавфсизлиги департаменти бошлиғи ўринбосари пробация назоратида турувчи ёшлар ҳамда афв этилган шахслар билан ҳам учрашиб, уларнинг муаммоларини тинглади ва ечимталаб масалалар юзасидан ходимларга топшириқлар берди.
Республикамиз бўйлаб ўрганиш ишлари давом эттирилмоқда.
ИИВ Жамоат хавфсизлиги департаменти Ахборот хизмати