Самарқанд вилоятида хавфсиз муҳитни яратиш ва криминоген вазият барқарорлигини таъминлаш борасида амалга оширилаётган ишлар танқидий муҳокама қилиниб, зарур чора-тадбирлар белгилаб олинди
2026-04-07 09:00:00 / Янгиликлар
Самарқанд вилоят прокуратурасида Ўзбекистон Республикаси Президентининг жорий йилдаги 1 ва 2-сонли қарорлари ижросини таъминлаш юзасидан 1-чорак давомида амалга оширилган ишлар, эришилган натижалар ҳамда йўл қўйилган камчиликлар танқидий таҳлил қилинди.
Муҳокамада вилоят прокурори Муродқосим Эшназаров, вилоят ИИБ бошлиғи генерал-майор Тохир Арипов ҳамда Миллий гвардиянинг Самарқанд вилояти бўйича бошқармаси бошлиғи Лочин Яхшиликов иштирок этиб, вилоятнинг барча туман ва шаҳарларида хавфсиз муҳитни таъминлаш, жиноятчиликнинг олдини олиш, ҳуқуқбузарликларни барвақт аниқлаш ва бартараф этиш борасида амалга оширилаётган ишлар сарҳисоб қилинди.
Йиғилиш давомида айрим ҳудудларда профилактика ишларини самарали ташкил этмаслик, идоралараро ҳамкорликдаги камчиликлар, жиноятларнинг сабаб ва шарт-шароитларини чуқур ўрганмаслик ҳолатлари танқид остига олинди.
Фаолиятида сусткашликка йўл қўйган бир қатор ташкилот ва идоралар масъул ходимларига нисбатан тегишли интизомий чоралар кўрилди.
Шунингдек, келгусида амалга оширилиши лозим бўлган устувор вазифалар белгилаб олиниб, аҳоли осойишталигини таъминлаш, жамоат тартибини мустаҳкамлаш, профилактика ишларини янги босқичга олиб чиқиш, замонавий ахборот технологияларидан самарали фойдаланиш ҳамда ҳуқуқни муҳофаза қилувчи органлар ўртасидаги ҳамкорликни янада кучайтириш бўйича аниқ топшириқлар берилди.
Самарқанд вилояти ИИБ Ахборот хизмати