Ички ишлар вазири ўринбосари иштирокида “Раҳбар ва ёшлар” учрашуви: таълим, инновация ва истиқболлар мулоқоти
2026-04-05 16:30:00 / Янгиликлар
Жорий йилнинг 4 апрель куни Ички ишлар вазирининг ўринбосари, полковник Диёрбек Саттаров иштирокида ИИВ Андижон академик лицейида “Раҳбар ва ёшлар” мавзусида мазмунли ва очиқ мулоқот руҳидаги учрашув ташкил этилди.
Тадбир аввалида вазир ўринбосари томонидан лицейнинг иқтидорли ёшлари билан алоҳида учрашув ўтказилди. Унда ўқувчилар ўзларининг ахборот технологиялари ва сунъий интеллект йўналишида амалга ошираётган лойиҳаларини тақдимот шаклида намойиш этдилар.
Шундан сўнг ўқитувчи ва ўқувчилар иштирокида очиқ мулоқот ташкил этилиб, ўқув жараёнига замонавий инновацион ёндашувларни жорий этиш, ёшларнинг интеллектуал салоҳиятини ривожлантиришга қаратилган таклиф ва мулоҳазалар билдирилди.
Тадбир якунида академик лицейда узоқ йиллар давомида самарали меҳнат қилиб келаётган фидойилар ҳамда турли танлов ва лойиҳалардаги фаол иштироки билан ажралиб турган иқтидорли ўқувчилар муносиб тақдирландилар.
Мазкур учрашув ёшларни янада юксак марралар сари интилишга, билим ва салоҳиятини юрт равнақи йўлида сафарбар этишга ундайдиган муҳим маънавий-маърифий тадбир сифатида аҳамият касб этди.
Андижон вилояти ИИБ Ахборот хизмати