ИИВ раҳбарияти томонидан Тошкент шаҳри Миробод туманидаги «Қўйлиқ-Ота» ҳамда «Қўйлиқ-Ота» жоме масжидида ўрганишлар олиб борилди
2026-04-01 09:00:00 / Янгиликлар
ИИВ ўринбосари, генерал-майор Мирзарахимов Баходир Юлдошевич томонидан Тошкент шаҳри Миробод туманида жойлашган «Қўйлиқ-Ота» ҳамда «Қўйлиқ-Ота» жоме масжидида ички ишлар органлари раҳбарияти томонидан ўрганиш ишлари амалга оширилди.
Жумладан, Ички ишлар вазирининг ўринбосари, генерал-майор Мирзарахимов Баходир Юлдошевич ташаббуси билан ушбу ҳудудларда жамоат хавфсизлигини таъминлаш, фуқаролар учун қулай ва хавфсиз шароит яратиш, шунингдек, диний масканларда тартиб-интизомни мустаҳкамлашга қаратилган чора-тадбирлар кўриб чиқилди.
Ўрганишлар давомида масжид ҳудудидаги инфратузилма, видеокузатув тизимлари, ёнғин хавфсизлиги воситалари ҳамда кириш-чиқиш назорати алоҳида эътибор марказида бўлди.
Шу билан бирга, масжид ходимлари ва маҳалла фаоллари билан мулоқот ўтказилиб, мавжуд муаммолар ва уларни бартараф этиш бўйича таклифлар муҳокама қилинди.
Мазкур ташриф давомида аҳоли ва ибодат қилувчилар учун янада қулай шароитлар яратиш, жамоат тартибини сақлаш ва ҳуқуқбузарликларнинг олдини олиш борасида аниқ вазифалар белгилаб берилди.
Шунингдек, мутасаддиларга масжид атрофида ободонлаштириш ишларини кучайтириш, тунги ёритиш тизимини яхшилаш ҳамда профилактик тадбирларни тизимли равишда олиб бориш юзасидан тегишли кўрсатмалар берилди.
Бу каби ўрганишлар жамоат хавфсизлигини таъминлаш, аҳоли тинчлиги ва осойишталигини мустаҳкамлашга хизмат қилиши таъкидланди.
ИИВ Транспорт ва туризм объектларида хавфсизликни таъминлаш Департаменти Ахборот гуруҳи