Наманган вилояти ИИБ раҳбарияти томонидан шаҳар ҳудудидаги маҳаллаларда содир этилган жиноятлар муҳокама қилинди
2026-03-29 09:00:00 / Янгиликлар
Бошқарма раҳбарияти томонидан ҳудудларда содир этилган оғир ва ўта оғир турдаги жиноятларнинг келиб чиқиш сабаблари чуқур таҳлил қилиниб, келгусида бу каби жиноятларнинг олдини олиш юзасидан аниқ чора-тадбирлар белгилаб берилмоқда.
Жумладан, бугун бошқарма бошлиғи раҳбарлигидаги ишчи гуруҳ шаҳар ҳокими ва прокурори билан биргаликда «Гулбоғ», «Сумалак гузари» ҳамда «Янги қурилиш» маҳаллаларида бўлиб, профилактика инспекторларининг хизмат фаолияти ва иш натижалари, шунингдек, ушбу ҳудудларда содир этилган ўта оғир турдаги жиноятлар жамоатчилик вакиллари иштирокида танқидий-таҳлилий руҳда муҳокама қилинди.
Шунингдек, ўрганишлар давомида маҳаллаларда аҳоли мурожаатларини тинглаш, уларга самарали ечим топиш, шунингдек, маҳалла еттилигининг ўзаро ҳамкорлигини янада мустаҳкамлаш юзасидан масъулларга аниқ топшириқ ва кўрсатмалар берилди.
Наманган вилояти ИИБ Ахборот хизмати