Ички ишлар вазирлиги раҳбарияти томонидан Тошкент шаҳри Миробод туманида бир қатор амалий ишлар ўрганилмоқда
2026-03-25 17:55:00 / Янгиликлар
Ички ишлар вазири ўринбосари генерал-майор Баходир Мирзарахимов томонидан Тошкент шаҳрининг Миробод туманида фуқаролар учун хавфсиз ва қулай муҳитни шакллантириш, мавжуд муаммоларни жойига чиқиб ўрганиш мақсадида тизимли ўрганиш ишлари олиб борилмоқда.
Ўрганишлар давомида туманда жойлашган муҳим объектлар ва аҳоли гавжум ҳудудларда жиноят ва ҳуқуқбузарликларнинг барвақт олдини олиш билан боғлиқ ҳолатлар таҳлил қилинди. Жумладан, туман ҳудудидаги бозорлар фаолияти ўрганилиб, фуқароларга қулайликлар яратиш, ҳудудларни тўлиқ камералаштириш, санитар ҳолатлари ва ёнғин хавфсизлиги ҳолатлари кўздан кечирилди.
Шунингдек, “маҳалла еттилиги” билан мулоқот чоғида мавжуд муаммолар ва келгусидаги вазифаларга эътибор қаратди. Маҳаллада аёллар ва ёшлар ўртасида маиший-турмуш доирасидаги ҳуқуқбузарликларнинг барвақт олдини олиш, бандлик масалаларини ҳал қилиш, ҳуқуқий тарғиботларда “маҳалла тарғиботчилари” имкониятларидан самарали фойдаланиш, ижтимоий профилактика тадбирлари самарадорлигини ошириш зарурлигини қайд этди.
Ўрганишлар якунида ишчи гуруҳ вакиллари маҳалла фуқаролар йиғинида аҳоли учун яратилган шароитлар, кўп қаватли ва якка тартибдаги уйлар атрофида жамоат хавфсизлигини таъминлаш борасида амалга оширилаётган ишлар билан тaнишди.
Транспорт ва туризм объектларида хавфсизликни таъминлаш департаменти Ахборот гуруҳи