Навоийда вилоят ИИБ бошлиғи ҳамда вилоят прокурори томонидан жиноят ва ҳуқуқбузарликларни жиловлаш юзасидан ўрганиш ва муҳокамалар ўтказилмоқда
2026-03-19 12:30:00 / Янгиликлар
Давлатимиз Раҳбарининг «Республика маҳаллаларида хавфсиз муҳитни яратиш йўналишида яхлит манзилли ишлаш тизимини жорий этишга қаратилган қўшимча чора-тадбирлар тўғрисида»ги ПҚ-1-сонли ҳамда «2026 йилда республика маҳаллаларида жиноятчиликнинг барвақт профилактикаси самарадорлигини янада ошириш бўйича ташкилий чора-тадбирлар тўғрисида»ги ПҚ-2-сонли қарорлари ижроси юзасидан масъуллар томонидан Навоий шаҳрида ўрганиш ва муҳокамалар олиб борилди.
Хусусан, «Ишонч» маҳалласида «маҳалла еттилиги»нинг фаолияти ўрганилиб, маҳаллада хавфсизликни таъминлаш, фуқароларнинг ҳуқуқ ва қонуний манфаатларини ҳимоя қилиш, уларнинг мурожаатлари ва муаммоларини ҳал этиш масалалари атрофлича кўриб чиқилди. Шунингдек, жамоатчилик назоратини кучайтириш, профилактик тадбирларни кенгайтириш бўйича бир қатор топшириқлар берилди.
Шу куни ушбу маҳаллада содир этилган ўта оғир турдаги жиноятларнинг муҳокамаси ҳам ўтказилиб, жиноятларнинг келиб чиқиш сабаблари ўрганилди. Бу каби салбий ҳолатларнинг олдини олишга доир чора-тадбирлар белгилаб олинди.
Бу каби ўрганишлар вилоятнинг бошқа ҳудудларида ҳам ўтказилиши белгиланган.
Навоий вилояти ИИБ Ахборот хизмати