ИИВ раҳбарияти томонидан Наврўз умумхалқ байрами ҳамда Рамазон Ҳайити байрамлари арафасида Тошкент–Жанубий вокзали ҳудудларида жамоат хавфсизлигини таъминлаш, сайёҳлар ҳамда йўловчилар учун яратилган шароитлар ҳолати кўздан кечирилди
2026-03-18 10:25:00 / Янгиликлар
ИИВ раҳбарияти томонидан Наврўз умумхалқ байрами ҳамда Рамазон Ҳайити байрамлари арафасида Тошкент–Жанубий вокзали ҳудудларида жамоат хавфсизлигини таъминлаш, сайёҳлар ҳамда йўловчилар учун яратилган шароитлар ҳолати кўздан кечирилди
Ички ишлар вазири ўринбосари генерал-майор Мирзарахимов Баходир Юлдашевич томонидан Наврўз умумхалқ байрами ҳамда Рамазон Ҳайити байрамлари арафасида пойтахтда жамоат хавфсизлигини таъминлашга қаратилган ишлар изчил давом эттирилмоқда. Хусусан, Тошкент–Жанубий вокзали ҳудудида амалга оширилаётган чора-тадбирлар атрофлича кўздан кечирилди.
Текширув жараёнида байрам кунлари муносабати билан йўловчилар оқими сезиларли даражада ортиши инобатга олиниб, хавфсизликни таъминлаш, тартиб-интизомни мустаҳкамлаш ҳамда фуқароларга қулайлик яратиш масалаларига алоҳида эътибор қаратилди. Вокзал ҳудудида жамоат тартибини сақлашга жалб этилган ички ишлар органлари ходимларининг хизмат олиб бориш тартиби, уларнинг техник жиҳозланганлиги ва тезкорлик даражаси ҳам атрофлича ўрганилди.
Шунингдек, сайёҳлар ва маҳаллий йўловчилар учун яратилган шарт-шароитлар, жумладан кутиш заллари, ахборот хизматлари, йўл кўрсаткич белгилар ва санитария ҳолати ҳам кўздан кечирилди. Аниқланган камчиликларни бартараф этиш юзасидан мутасаддиларга тегишли кўрсатмалар берилди.
Ички ишлар вазири ўринбосари генерал-майор Мирзарахимов Баходир Юлдашевич томонидан таъкидланганидек, байрам кунларида фуқароларнинг хавфсизлигини таъминлаш, уларга юқори даражада хизмат кўрсатиш устувор вазифалардан бири ҳисобланади. Бу борада барча масъул хизматлар ўзаро ҳамкорликда иш олиб бориши, ҳар қандай ҳолатга тезкор ва самарали муносабат билдириши лозим.
ИИВ Транспорт вa туризм объектларида хавфсизликни таъминлаш департаменти Ахборот гуруҳи