Навоий вилояти ИИБ раҳбарияти ҳамда вилоят прокуратураси билан ҳамкорликда жиноятларни ҳисобга олиш ва профилактик ишлар таҳлилига бағишланган йиғилиш ўтказилди
2026-03-14 10:00:00 / Янгиликлар
Йиғилишда прокуратура ходимлари, бошқарма бошлиғи ўринбосарлари, соҳавий хизматлар раҳбарлари ҳамда масофавий тарзда шаҳар ва туман ички ишлар бўлимларининг масъул ходимлари иштирок этди.
Тадбир давомида ҳудудлар кесимида содир этилган жиноят турлари, уларнинг келиб чиқиш сабаб ва омиллари атрофлича таҳлил қилиниб, мавжуд муаммолар юзасидан фикр алмашилди.
Шунингдек, “Хавфсиз ва соғлом юрт” тезкор профилактик тадбирлари доирасида жиноятларни ҳисобга олиш, уларни қайд этиш ҳамда терговга қадар текширув ҳаракатларини янада такомиллаштириш масалалари муҳокама этилди.
Йиғилиш якунида масъул раҳбарларга жиноятларнинг олдини олиш, ҳар бир мурожаат ва ҳолатни қонуний тартибда ўз вақтида кўриб чиқиш, профилактик ишларни янада кучайтириш бўйича тегишли топшириқлар берилди.
Навоий вилояти ИИБ Ахборот хизмати