ИИВ раҳбарияти томонидан Криминология тадқиқот институтида хизмат фаолиятига оид масалалар муҳокама қилинди
2026-03-14 09:00:00 / Янгиликлар
Ўзбекистон Республикаси Криминология тадқиқот институтида Ички ишлар вазири ўринбосари, полковник Д. Саттаров бошчилигида хизмат йиғилиши ўтказилди.
Йиғилиш давомида институт фаолиятига доир қатор долзарб масалалар атрофлича муҳокама қилинди.
Хусусан, кун тартибининг биринчи масаласи доирасида институтга янги лавозимларга тайинланган ходимлар тегишли буйруқлар билан таништирилди.
Шунингдек, йиғилишда шахсий таркиб томонидан ижрочилик интизомини мустаҳкамлаш, хизмат фаолиятида шахсий тартиб-интизом ва масъулиятни янада ошириш, фуқаролар билан мулоқотда хушмуомалалик ҳамда профессионал этика тамойилларига қатъий риоя этиш масалаларига алоҳида эътибор қаратилди.
Бундан ташқари, ички ишлар органлари тизимининг ижобий имижини мустаҳкамлаш, жамоатчилик билан самарали ҳамкорликни ривожлантириш ҳамда ушбу йўналишда амалга оширилаётган илмий-тадқиқот лойиҳаларини изчил давом эттириш бўйича муҳим вазифалар белгилаб олинди.
Йиғилиш якунида муҳокама қилинган масалалар юзасидан масъул ходимларга тегишли топшириқлар берилди.
Ўзбекистон Республикаси Криминология тадқиқот институти