Наманганда ёшлар бандлиги ва улар билан ишлаш самарадорлиги муҳокама қилинди
2026-03-12 11:35:00 / Янгиликлар
Наманган вилояти ҳокимлигида ўтказилган видеоселектор тарзида ўтказилган йиғилишда вилоят ҳокими Шавкатжон Абдураззоқов раислик қилиб, унда вилоятдаги ҳуқуқ-тартибот идоралари раҳбарлари, шаҳар ва туманлар ҳокимлари ҳамда ёшларга бириктирилган мутасадди раҳбарлар иштирок этди.
Йиғилишда ёшлар бандлигини таъминлаш, уларнинг тадбиркорлик фаолиятини қўллаб-қувватлаш, шунингдек “оталиққа олинган” ёшлар билан олиб борилаётган ишлар таҳлил қилинди.
Танқидий руҳда ўтган йиғилишда кун тартибидаги масалалар юзасидан масъулиятсизликка йўл қўйган айрим раҳбарларнинг фаолияти кескин танқид қилиниб, улардан аниқ масъулият талаб этилди.
Шунингдек, ёшлар тадбиркорлигини қўллаб-қувватлаш доирасида амалга оширилаётган ишлар атрофлича кўриб чиқилди. Хусусан, “Бизнесга биринчи қадам” дастури доирасида 790 нафар ёшга кредит ажратилгани ва 1 мингдан ортиқ янги иш ўрни яратилгани қайд этилди. Бу борадаги амалий ишларни изчил давом эттириш зарурлиги таъкидланди.
Йиғилиш якунида ёшлар бандлигини таъминлаш, уларнинг муаммоларини ҳал этиш ҳамда ҳар бир маҳаллада ёшлар билан ишлаш тизимини янада кучайтириш бўйича мутасадди раҳбарларга аниқ вазифалар белгилаб берилди.
Наманган вилояти ИИБ Ахборот хизмати