Ўзбекистон Республикаси Ички ишлар вазирлиги

Сана муносабати билан Тошкент вилояти ички ишлар органларида хизмат қилаётган, ўз соҳасининг чинакам жонкуярлари бўлган мунис ва дилбар хотин-қизларга эҳтиром кўрсатилди.

Тадбирда вилоят ИИББ бошлиғи, полковник Авдувосит Абдуразаков бошчилигида шахсий таркиб ҳамда тизимда хизмат қилаётган хотин-қизлар иштирок этди.

Бош бошқарма бошлиғи тадбирни очар экан, вилоят ИИО тизимида хизмат қилаётган хотин-қизларни байрам билан қутлаб, тизимда аёл ходимларнинг алоҳида ўрни борлигини таъкидлади ҳамда самимий тилакларини билдирди.

Байрам тадбирида хизмат вазифаларини сидқидилдан адо этиб, ҳамкасбларига ўрнак бўлиб келаётган бир гуруҳ фидойи аёл ходимларга Ички ишлар вазирлигининг турли даражадаги мукофотлари тантанали равишда топширилди.

Хусусан:

«Аъло хизматлари учун» кўкрак нишони билан – подполковник Маҳфуза Сиражова, катта сержант Муқаддас Қурбонова;

I даражали «Бенуқсон хизматлари учун» кўкрак нишони билан – майор Радха Усмонова, подполковник Шахло Ўроқова;

II даражали «Бенуқсон хизматлари учун» кўкрак нишони билан – подполковник Маъмура Абдуллаева, майор Муаттархон Мукаррамова, подполковник Нодира Касимова, кичик сержант Захро Муминова;

III даражали «Бенуқсон хизматлари учун» кўкрак нишони билан – сафдор Нодира Мирзакулова, сафдор Мадина Хасанова, сафдор Хилола Икрамова, капитан Гузалия Калимуллина, сафдор Диана Рузбаева, катта сержант Саодат Фаттохова;

Ички ишлар вазирининг «Эсдалик қўл соати» билан – лейтенант Зухра Мирмусаева, лейтенант Мафтуна Султонова;

Ички ишлар вазирининг «Фахрий ёрлиғи» билан – катта лейтенант Нодира Махкамбоева, сафдор Дурдона Умарова, катта лейтенант Гулбаҳор Алиёрова тақдирланди.

Шунингдек, хизмат вазифаларини сидқидилдан бажариб, юклатилган топшириқларга виждонан ёндашиб келаётган 430 нафардан ортиқ аёл ходималар эсдалик совғалар ва пул мукофотлари билан рағбатлантирилди.

Тошкент вилояти ИИББ Ахборот хизмати