Ички ишлар вазирлиги Малака ошириш институтида 8 март – Халқаро хотин-қизлар куни муносабати билан байрамона маданий-маърифий тадбир ташкил этилди
2026-03-08 11:00:00 / Янгиликлар
Тадбирда институт раҳбарияти, профессор-ўқитувчилар, ходималар ҳамда тингловчилар иштирок этдилар.
Тадбирда юртимиз тараққиётида, жамият ҳаётида ҳамда давлат хизматида фаол меҳнат қилаётган хотин-қизларнинг ўрни ва аҳамияти ҳақида сўз юритилди.
Институт раҳбарияти томонидан аёлларнинг меҳнати, фидойилиги ва жамият равнақига қўшаётган муносиб ҳиссаси алоҳида эътироф этилди.
Байрам муносабати билан институтда самарали меҳнат қилаётган бир қатор ходималарга «Аъло хизматлари учун», 3 даражали «Ички ишлар органларида бенуқсон хизматлари учун» кўкрак нишонлари, Ички ишлар вазирлигининг эсдалик қўл соати, «майор» махсус унвон ва пул мукофотлар топширилди.
Мазкур тадбир хотин-қизларга бўлган ҳурмат ва эътиборни янада ошириш, уларнинг жамият ҳаётидаги ўрнини қадрлашга қаратилгани билан аҳамиятли бўлди.
Байрам тадбири иштирокчиларга кўтаринки кайфият улашиб, самимий табриклар ва эзгу тилаклар билан якунланди.
ИИВ Малака ошириш институти