Наманган вилояти Наманган туманида маҳаллаларда жиноятчиликнинг олдини олиш борасида амалга оширилаётган ишлар ўрганилди
2026-03-06 18:55:00 / Янгиликлар
Наманган вилояти Ички ишлар бошқармаси раҳбарияти томонидан ҳудудларда жиноятчиликнинг олдини олиш, ҳуқуқбузарликлар профилактикасини кучайтириш ҳамда маҳаллаларда хавфсиз муҳитни барқарор таʼминлаш борасида амалга оширилаётган ишлар тизимли равишда ўрганиб борилмоқда.
Жумладан, навбатдаги ўрганиш ишлари Наманган туманида ташкил этилиб, туманнинг “Катта Тошбулоқ” ва “Олахамак” маҳаллаларида хизмат олиб бораётган профилактика инспекторларининг фаолияти танқидий-таҳлилий руҳда кўриб чиқилди. Ўрганиш жараёнида жиноятчиликнинг барвақт олдини олиш, аҳоли мурожаатлари билан ишлаш, оилавий-маиший низоларнинг олдини олиш ҳамда ҳудуддаги криминоген вазиятни барқарор сақлаш борасида амалга оширилаётган чора-тадбирлар атрофлича таҳлил қилинди.
Шунингдек, аниқланган камчиликларни бартараф этиш, маҳаллаларда ҳуқуқбузарликларнинг олдини олиш бўйича профилактик ишларни янада кучайтириш ҳамда фуқаролар билан манзилли ишлашни самарали ташкил этиш юзасидан масʼул ходимларга аниқ топшириқ ва кўрсатмалар берилди.
Ҳудудларда жиноятчиликнинг олдини олиш, жамоат хавфсизлигини таʼминлаш ва аҳоли осойишталигини мустаҳкамлаш борасидаги ишлар бундан буён ҳам изчил давом эттирилади.
Наманган вилояти ИИБ Ахборот хизмати