ИИВ «Хавфсиз шаҳар» тизимларини ривожлантириш марказида ижро интизоми ва фаолият самарадорлигини ошириш масалалари муҳокама қилинди
2026-03-05 09:00:00 / Янгиликлар
ИИВ «Хавфсиз шаҳар» марказида марказ раҳбарияти томонидан барча ходимлар иштирокида йиғилиш ўтказилди. Унда марказ фаолиятини янада такомиллаштириш, ижро интизомини мустаҳкамлаш ҳамда амалга оширилаётган ишлар самарадорлигини оширишга қаратилган қатор масалалар муҳокама қилинди.
Йиғилиш давомида давлат хизматчиларининг фаолиятида ҳалоллик ва қонунийлик тамойилларига қатъий риоя этиш зарурлиги алоҳида таъкидланди.
Хусусан, пора олиш ёки коррупцион ҳолатларга йўл қўйилмаслиги, бундай ҳолатлар учун қонунчиликда аниқ жавобгарлик белгиланганлиги ҳақида ходимларга тушунтириш берилди.
Шунингдек, йўл ҳаракати қоидаларига риоя қилиш, хизмат фаолиятида интизом ва масъулиятни ошириш масалалари кўриб чиқилди.
Йиғилишда меҳнатни муҳофаза қилиш, хавфсизлик техникаси қоидаларига қатъий амал қилиш ҳамда Ўзбекистон Республикаси Президентининг 360-сон қарори доирасида қўриқлаш хизматларидан фойдаланиш масалаларига алоҳида эътибор қаратилди.
Тадбир якунида марказ раҳбарияти томонидан тегишли йўналишлар бўйича масъул ходимларга аниқ топшириқлар берилиб, белгиланган вазифаларнинг ўз вақтида ва сифатли бажарилиши юзасидан тегишли кўрсатмалар берилди.
Ички ишлар вазирлигининг «Хавфсиз шаҳар» тизимларини ривожлантириш маркази