ИИВ раҳбарияти томонидан Тошкент шаҳри аэропортларида хизмат фаолиятини такомиллаштириш масалалари юзасидан ходимларга бир қатор вазифалар белгиланди
2026-03-05 09:00:00 / Янгиликлар
Ички ишлари вазири ўринбосари генерал-майор Баходир Мирзарахимов «Ислом Каримов» номидаги Тошкент шаҳри аэропортларида хизмат олиб бораётган ходимлари билан учрашди.
Учрашув давомида аэропортларда хавфсизликни янада кучайтириш, йўловчиларга сифатли ва тезкор хизмат кўрсатишни таъминлаш, шунингдек, хизмат интизомини мустаҳкамлаш бўйича бир қатор аниқ вазифалар белгилаб берилди.
Шунингдек, замонавий ахборот технологияларидан самарали фойдаланиш, фавқулодда ҳолатларда тезкор ҳаракат қилиш тизимини такомиллаштириш ҳамда ходимларнинг касбий малакасини ошириш масалаларига алоҳида эътибор қаратилди.
Вазир ўринбосари томонидан аэропорт ҳудудида жамоат тартибини таъминлаш, йўловчилар ва меҳмонларга нисбатан хушмуомалалик маданиятини юксалтириш устувор вазифа экани таъкидланди.
Учрашув якунида масъул раҳбарларга белгиланган топшириқларни ўз вақтида ва сифатли ижро этиш бўйича тегишли кўрсатмалар берилди.
ИИВ Транспорт вa туризм объектларида хавфсизликни таъминлаш департаменти Ахборот гуруҳи