Фуқароларни қайтариш масалалари бўйича Европа алоқа офицери (EURLO) ҳамда Криминология тадқиқот институти ўртасида учрашув
2026-03-04 08:40:00 / Янгиликлар
Жорий йилнинг 3 март куни Криминология тадқиқот институти Европа Иттифоқи Фуқароларни қайтариш масалалари бўйича Европа алоқа офицери (EURLO) Н.Роговсканинг қабул қилди.
Икки томонлама ўтган музокаралар давомида Европа алоқа офицери (EURLO) Н.Роговска Криминология тадқиқот институти ҳақида маълумот, унинг фаолияти ва ташкил топгандан ҳозирги кунга қадар эришган ютуқлари ҳамда истиқболли режалари юзасидан тақдимот билан танишди.
Ўз навбатида Н.Роговсканинг иррегуляр ҳолда муқим яшовчи шахслар идентификациясини текшириш, қайтариш жараёнини мувофиқлаштириш, мамлакатлар билан ҳамкорликни ривожлантириш ҳамда қайта интеграция ва пост-қайтариш кўмаклашувни қўллаб-қувватлаш йўналишида илғор тажрибаларини татбиқ этиш ҳамда келгусида режалаштирилаётган ўқув семинарлари ташкил этиш бўйича таклифлари тингланди.
Шунингдек Европанинг фуқароларни қайтариш масалалари бўйича бюро Европа Иттифоқининг миграция ва қайтариш сиёсати доирасида ноқонуний миграция ва ҳужжатларни қалбакилаштиришга қарши курашиш соҳасида қўшма халқаро илмий лойиҳаларни амалга ошириш, тренинг ва семинарлар ташкил этиш масалалари муҳокама қилинди.
Бундан ташқари, Польша – Ўзбекистон Ҳуқуқни муҳофаза қилувчи органлари ўртасида ҳамкорлик алоқаларини янги босқичга олиб чиқиш бўйича келишувларга эришилди