Қашқадарё вилояти ИИБ раҳбарияти томонидан Қарши шаҳридаги профилактика инспекторлари хизмат уйлари шароитлари ўрганилиб, уларни яхшилаш бўйича аниқ вазифалар белгилаб берилди
2026-02-26 11:50:00 / Янгиликлар
Қашқадарё вилояти ИИБ бошлиғи полковник Абдувохид Исмоилов Қарши шаҳри ҳудудидаги қатор маҳаллаларда фаолият олиб бораётган профилактика инспекторларининг хизмат уйлари шароитлари билан яқиндан танишди.
Ташриф давомида хизмат уйларининг техник ҳолати, яшаш учун яратилган шарт-шароитлар, моддий-техник таъминот даражаси ўрганилди.
Ўрганишлар давомида айрим хизмат уйлари таъмирга муҳтож экани аниқланиб, уларни қайта реконструксия қилиш ва замонавий талаблар асосида таъмирлаш бўйича тегишли мутасаддиларга топшириқлар берилди.
Шунингдек, профилактика инспекторларининг самарали хизмат олиб бориши учун қулай шарт-шароитлар яратиш, хизмат уйларини жиҳозлаш ҳамда коммунал хизматлар билан таъминлаш масалаларига алоҳида эътибор қаратилди.
Вилоят ИИБ бошлиғи томонидан профилактика инспекторларининг маҳаллаларда жамоат тартибини сақлаш, ҳуқуқбузарликларнинг олдини олиш ва аҳоли тинчлигини таъминлашдаги ўрни беқиёс экани таъкидланди. Шу боис уларнинг хизмат фаолиятини янада самарали ташкил этиш учун муносиб шароитлар яратиш устувор вазифалардан бири экани масъулларга тушунтирилди.
Ташриф якунида масъул раҳбарларга аниқ вазифалар белгилаб берилиб, хизмат уйларини босқичма-босқич таъмирлаш ва зарур жиҳозлар билан таъминлаш юзасидан топшириқлар берилди.
Бу борадаги ишлар вилоят бўйлаб давом эттирилмоқда.
Қашқадарё вилояти ИИБ Ахборот хизмати