Қашқадарёда ҳуқуқни муҳофаза қилувчи органлар ўртасида стол тенниси бўйича мусобақа ўтказилди
2026-02-23 13:20:00 / Янгиликлар
ИИВ “Динамо” жисмоний тарбия-спорт жамияти Қашқадарё вилояти кенгашининг 2026 йил спорт мусобақаларини ўтказиш тақвимий режасига асосан, ҳуқуқни муҳофаза қилувчи органлар жамоалари шахсий таркиби ўртасида спортнинг стол тенниси бўйича мусобақаси бўлиб ўтди.
Мусобақада кенгашга аъзо жамоалар — Қашқадарё вилояти ИИБ, Миллий гвардия вилоят бўйича бошқармаси, ДХХ вилоят бошқармаси, ИИВ ҚҚга қарашли 7533-ҳарбий қисми терма жамоалари қатнашдилар.
Қизғин ва муросасиз кечган теннис мусобақаси яккалик баҳсларида 1-ўринни ДХХ Қашқадарё вилояти бўйича бошқармаси ходими Баратов Сарвар қўлга киритди. Навбатдаги совринли ўринларни ДХХ Қашқадарё вилояти бўйича бошқармаси ходими Аманов Толиб ва Миллий гвардия Қашқадарё вилоят бошқармаси ҳарбий хизматчиси Валиев Зарифжон 3-ўринни банд этди.
Стол тенниси мусобақасининг хотин-қизлараро яккалик баҳсларида Ички ишлар бошқармаси ходимаси, Бегимова Адолат барча рақибларидан устунлигини намойиш этиб, ғолиблик шоҳсупасидан жой олди. ДХХ Қашқадарё вилояти бўйича бошқармаси ходимаси Абдурасулова Мунаввар 2-ўринни қўлга киритди. Миллий гвардия Қашқадарё вилояти бўйича бошқармаси ҳарбий хизматчиси Хакимова Динара эса 3-ўринга сазовор бўлди.
Жамоалар ўртасида жуфтлик баҳсларида ДХХ Қашқадарё вилояти бўйича бошқармаси терма жамоаси биринчи, Миллий гвардия Қашқадарё вилояти бўйича бошқармаси иккинчи, Вилоят божхона терма жамоаси учинчи ўринни қўлга киритишди.
Умумжамоа ҳисобида ДХХ Қашқадарё вилоят бўйича бошқармаси терма жамоасига ғолиблик насиб этди. Навбатдаги совринли ўринларни Ички ишлар бошқармаси ва Миллий гвардия Қашқадарё вилояти бўйича бошқармаси терма жамоаси эгаллади.
Ғолиблар ИИВ “Динамо” жисмоний тарбия-спорт жамияти Қашқадарё вилояти кенгашининг дипломи ва қимматбаҳо совғалари билан тақдирланди.
Қашқадарё вилояти ИИБ Ахборот хизмати