Қашқадарё вилояти ИИБ раҳбарияти томонидан аҳоли осойишталигини таъминлаш ва идоралараро ҳамкорликни кучайтириш бўйича устувор вазифалар белгилаб берилди
2026-02-21 09:00:00 / Янгиликлар
Аҳоли осойишталигини мустаҳкамлаш борасида олиб борилаётган ишлар натижадорлиги билан танишиш мақсадида Қашқадарё вилояти Ички ишлар бошқармаси бошлиғи Абдувохид Исмоилов Қарши шаҳрида ташкил этилган Идоралараро тезкор штаб фаолияти билан яқиндан танишди.
Ташриф давомида штабнинг кундалик иш режаси, тезкор вазият таҳлили, мурожаатлар билан ишлаш тартиби ҳамда соҳада йўл қўйилаётган камчиликлар муҳокама қилинди.
Айниқса, профилактика ишларини кучайтириш, жиноятларни барвақт аниқлаш ва бартараф этиш, идоралар ўртасидаги ҳамкорликни янада самарали йўлга қўйиш масалаларига алоҳида эътибор қаратилди.
Шунингдек, мутасаддиларга жойлардаги ҳақиқий вазиятни чуқур ўрганиш, аҳоли билан очиқ мулоқот ўтказиш, ҳар бир мурожаатга масъулият билан ёндашиш юзасидан аниқ топшириқлар берилди.
Жамоат тартибини сақлашда замонавий ахборот технологияларидан самарали фойдаланиш, тезкор маълумот алмашинувини йўлга қўйиш муҳим вазифа сифатида белгиланди.
Учрашув якунида соҳадаги иш самарадорлигини ошириш, профилактика тадбирларини манзилли ташкил этиш ва ҳар бир маҳаллада барқарор ижтимоий муҳитни таъминлаш бўйича устувор вазифалар белгилаб олинди.
Қашқадарё вилояти ИИБ Ахборот хизмати