Наманган вилояти ИИБда шаҳар-туман ИИБ бошлиқлари иштирокида ўқув-семинар ўтказилиб, уларнинг тақдимотлари тингланди
2026-02-21 09:00:00 / Янгиликлар
Вилоят ҳудудида жиноятчиликка қарши курашиш, ҳуқуқбузарликларнинг барвақт олдини олиш, маҳаллаларда хавфсиз муҳитни барқарор сақлаш, шунингдек, Тошкент шаҳрининг Чилонзор тумани тажрибаси асосида манзилли ишларни самарали ташкил этиш мақсадида шаҳар ва туманларда амалга оширилиши лозим бўлган чора-тадбирлар бўйича аниқ йўл хариталари ишлаб чиқилди
Наманган вилояти ИИБ бошлиғи ҳузурида ўтказилган ўқув-семинарда бошқарма бошлиғи ўринбосарлари ҳамда шаҳар-туман ИИБ бошлиқлари иштирок этиб, унда ҳар бир ҳудуд раҳбарининг келгусида жиноятчиликнинг олдини олиш, жамоат хавфсизлигини таъминлаш ва профилактика ишларини кучайтириш борасидаги тақдимотлари тингланди ҳамда муҳокама қилинди.
Шунингдек, тақдимот якунлари юзасидан ҳудудларда аниқ ва мақсадли профилактик тадбирларни ташкил этиш, маҳаллаларда криминоген вазиятни чуқур таҳлил қилиш, масъул ходимлар фаолиятини манзилли йўлга қўйиш, аҳоли билан ҳамкорликни кучайтириш ҳамда мавжуд камчиликларни қисқа муддатда бартараф этиш бўйича масъул раҳбарларга тегишли топшириқлар берилиб, уларнинг ижроси қатъий назоратга олинди.
Наманган вилояти ИИБ Ахборот хизмати