Андижон вилояти ИИБ раҳбарияти томонидан Бўстон тумани маҳаллаларида хавфсиз муҳитни таъминлаш ва бириктирилган ёшлар муаммолари манзилли ўрганилди
2026-02-18 09:00:00 / Янгиликлар
Ўзбекистон Республикаси Президентининг жорий йил 5 январь куни қабул қилинган ПҚ–1 ва ПҚ–2-сон қарорлари ижросини таъминлаш, шунингдек, жамоат хавфсизлигини мустаҳкамлашга қаратилган “Чилонзор тажрибаси”ни амалиётга изчил жорий этиш доирасида Андижон вилояти ИИБ бошлиғи томонидан Бўстон туманида амалга оширилаётган ишлар яқиндан ўрганилди.
Ўрганиш давомида туман маҳаллаларида профилактика ва жамоат хавфсизлигини таъминлашга қаратилган чора-тадбирлар самарадорлиги таҳлил қилиниб, масъуллар фаолиятига алоҳида эътибор қаратилди.
Хусусан, туманнинг “Пиллакори” маҳалласида “маҳалла еттилиги” томонидан йўлга қўйилган ҳамкорлик, ишлаб чиқилган йўл хариталари асосида амалга оширилаётган ишлар ва уларнинг амалий натижалари танқидий-таҳлилий жиҳатдан кўриб чиқилди. Мавжуд ҳолат юзасидан барча йўналишлар бўйича масъулларга аниқ вазифа ва топшириқлар берилди.
Шунингдек, туманда “Чилонзор тажрибаси”ни жорий этиш борасида амалга оширилаётган ишлар ҳам атрофлича ўрганилди. Жумладан, Бўстон тумани ИИБда доимий фаолият юритаётган тезкор штаб иши, маҳаллалар кесимидаги муаммолар ва уларни бартараф этиш юзасидан бириктирилган масъуллар томонидан олиб борилаётган чора-тадбирлар тингланди. Мазкур йўналишда ишларни янада кучайтириш бўйича устувор вазифалар белгилаб олинди.
Ёшлар билан манзилли ишлаш тизими доирасида эса Андижон вилояти ИИБ бошлиғига бириктирилган ёшларнинг яшаш манзилларига ташрифлар амалга оширилди.
Ташрифлар чоғида ёшларнинг ота-онаси ва яқинлари билан очиқ мулоқотлар ўтказилиб, уларни қийнаётган ижтимоий, ҳуқуқий ва маиший масалалар атрофлича ўрганилди. Аниқланган муаммоларни бартараф этиш юзасидан амалий чоралар белгиланди.
Айни вақтда, спорт соҳасида юқори натижаларга эришаётган, ютуқлари билан тенгдошларига ўрнак бўлаётган ёшлар муносиб рағбатлантирилди. Бириктирилган бошқа ёшларга ҳам моддий ва маънавий кўмаклар кўрсатилиб, уларнинг салоҳиятини рўёбга чиқариш, жамиятда муносиб ўрин эгаллаши ҳамда соғлом турмуш тарзини қарор топтиришга қаратилган ишлар изчил давом эттирилмоқда.
Андижон вилояти ИИБ Ахборот хизмати