ИИВ Транспорт ва туризм объектларида хавфсизликни таъминлаш департаментида соҳани рақамлаштириш ва жиноятчиликнинг барвақт олдини олиш чоралари кўриб чиқилди
2026-02-17 17:35:00 / Янгиликлар
Президент Администрацияси масъул ходимлари бошчилигида ИИВ Транспорт ва туризм объектларида хавфсизликни таъминлаш департаментида соҳанинг самарадорлигини ошириш, тизимни рақамлаштириш, замонавий ситуацион таҳлил марказини йўлга қўйиш ҳамда хизмат ҳудудида ҳуқуқбузарлик ва жиноятчиликнинг барвақт олдини олиш масалаларига бағишланган йиғилиш бўлиб ўтди.
Йиғилишда Транспортда хавфсизликни таъминлаш бошқармаси хизмат ҳудудида амалга оширилаётган профилактик чора-тадбирлар, жиноятчилик ҳолатлари таҳлили ва уларнинг келиб чиқиш сабаблари атрофлича кўриб чиқилди.
Хусусан, соҳада рақамли технологияларни кенг жорий этиш, видеокузатув тизимларини ягона ахборот платформасига интеграция қилиш, маълумотлар базасини шакллантириш ва тезкор ахборот алмашинувини таъминлаш орқали хавфсизликни янада мустаҳкамлаш зарурлиги таъкидланди.
Йиғилиш якунида мутасадди раҳбарларга аниқ вазифалар белгилаб берилиб, ижрони қатъий назоратга олиш бўйича тегишли кўрсатмалар берилди.
ИИВ Транспорт ва туризм объектларида хавфсизликни таъминлаш департаменти Ахборот гуруҳи