Навоий вилояти ҳуқуқни муҳофаза қилувчи орган раҳбарларининг маҳаллаларда хавфсиз муҳитни яратишга қаратилган навбатдаги ўрганишлари
2026-02-15 09:00:00 / Янгиликлар
Ҳуқуқни муҳофаза қилувчи орган раҳбарларининг маҳаллаларда хавфсиз муҳитни яратишга қаратилган навбатдаги ўрганишлари Зарафшон шаҳрининг “Истиқлол“ ва “Ёшлик“ маҳалларида олиб борилди.
Вилоят прокурори, ИИБ бошлиғи, Адлия масъулларининг навбатдаги ўрганишлари Зарафшон шаҳридаги “Истиқлол“ ва “Ёшлик“ маҳалласида бўлиб, Президентимизнинг ПҚ-1 сонли қарори ижроси, унинг мазмун-моҳияти ва амалдаги натижалари атрофлича таҳлил қилинди, белгиланган вазифаларни тўлиқ ва сифатли таъминлаш юзасидан аниқ топшириқлар берилди.
Жумладан, маҳаллаларнинг криминоген аҳволи атрофлича таҳлил қилиниб, жиноятчиликнинг олдини олиш бўйича амалга оширилаётган чора-тадбирлар шаҳар ҳокими, прокурори ҳамда ИИБ бошлиғи билан биргаликда кўриб чиқилди.
Ҳудудга ўрнатилган кузатув камераларининг самарадорлиги, улар орқали назоратни кучайтириш масалалари ҳам алоҳида муҳокама этилди.
Шунингдек, маҳалла “еттилиги” аъзолари билан учрашув ўтказилиб, аҳоли мурожаатлари, фуқаролар учун яратилаётган шароитлар ва ижтимоий қўллаб-қувватлаш механизмлари юзасидан фикр алмашилди.
Қурилиш соҳасида режалаштирилган янги лойиҳалар, ҳудуд инфратузилмасини яхшилаш, ободонлаштириш ишларининг бориши кўздан кечирилди.
Бу каби ўрганишлар ҳудудларда қонун устуворлигини таъминлаш, хавфсиз ва фаровон муҳит яратишга хизмат қилмоқда.
Навоий вилояти ИИБ Ахборот хизмати