Жиззах вилояти ИИБ раҳбарияти томонидан Жиззах шаҳри маҳаллаларида тунги жамоат тартибини сақлаш бўйича олиб борилаётган ишлар ўрганилди
2026-02-10 11:35:00 / Янгиликлар
Жиззах вилояти ИИБ бошлиғи Жиззах шаҳридаги бир неча маҳаллаларда тунги пайтда жиноятчиликни жиловлаш, хавфсиз муҳитни таъминлаш ва жамоат тартибини сақлаш борасида олиб борилаётган ишлар билан яқиндан танишди. Ўрганишлар Ўратепалик, Раваллиқ, Халқобод, Оққўрғонлик, Олмазор, Зилол, Наврўз, Шодлик, Ҳамид Олимжон, Алишер Навоий, Кимёгар ҳамда Тинчлик маҳаллаларини қамраб олинди.
Маҳаллалар еттилиги аъзолари иштирокидаги мулоқотларда жиноятчиликка сабаб бўлаётган омиллар, ижтимоий муҳит ва аҳолини ташвишлантираётган масалалар атрофлича муҳокама қилинди. Айниқса, ёшлар билан ишлашни янада кучайтириш, ҳуқуқбузарликларга олиб келаётган омилларни барвақт аниқлаш, фуқаролар билан хонадонбай ишлаш орқали муаммоларни ўз вақтида ҳал этиш зарурлиги алоҳида таъкидланди.
Шу куни манзилли профилактик ишлар ташкил этиш, криминоген вазиятни барқарор сақлаш ва жамоат хавфсизлигини таъминлаш бўйича мутасаддиларга вазифалар юклатилди.
Жиззах вилояти ИИБ бошлиғи Жиззах шаҳридаги бир неча маҳаллаларда тунги пайтда жиноятчиликни жиловлаш, хавфсиз муҳитни таъминлаш ва жамоат тартибини сақлаш борасида олиб борилаётган ишлар билан яқиндан танишди.
Жиззах вилояти ИИБ Ахборот хизмати