Андижон вилоятида Чилонзор тумани намунаси асосида амалга оширилаётган ишлар муҳокама қилинди
2026-02-08 07:25:00 / Янгиликлар
Андижон вилояти Ички ишлар бошқармаси раҳбарияти томонидан Ўзбекистон Республикаси Президентининг ПҚ–1 ва ПҚ–2-сонли қарорлари ижросини таъминлаш, шунингдек, Тошкент шаҳрининг Чилонзор туманида жорий этилган илғор тажриба асосида хавфсиз муҳитни шакллантириш ҳамда маҳаллаларни рақамлаштириш бўйича вилоятда амалга оширилаётган ишлар юзасидан муҳокама йиғилиши ўтказилди.
Муҳокама давомида масъул раҳбарлар томонидан ҳудудларда бажарилаётган ишлар юзасидан ҳисоботлар эшитилиб, мавжуд камчиликлар ва уларни бартараф этиш чора-тадбирлари белгилаб олинди.
Шу билан бирга, маҳаллаларда жиноят ва ҳуқуқбузарликларни барвақт олдини олиш, профилактик тадбирларни тизимли ташкил этиш, аҳолининг ҳуқуқий онги ва маданиятини оширишга қаратилган вазифаларга алоҳида эътибор қаратилди.
Йиғилиш якунида белгиланган вазифалар ижросини таъминлаш, Чилонзор туманида ўз самарасини берган тажрибани Андижон вилоятининг барча ҳудудларида босқичма-босқич жорий этиш бўйича масъул раҳбарларга аниқ топшириқлар берилди.
Андижон вилояти ИИБ Ахборот хизмати