Андижон вилояти ИИБ Эксперт-криминалистика маркази мутахассислари томонидан банк ходимлари ўртасида қалбаки пул купюралари бўйича тарғибот тадбири ўтказилди
2024-05-31 11:55:00 / Янгиликлар
Ўзбекистон Республикаси ИИВ Эксперт-криминалистика бош марказининг 2024 йил 16 май кунидаги тегишли кўрсатмаси ижросини таъминлаш мақсадида банк муассасалари ходимлари ўртасида «Қалбаки пул купюралари, чет-эл валюталари, қалбаки ҳужжатлар, қимматбаҳо қоғозлар»га ўзгартириш ёки қалбакилаштириш усулларини ва ҳужжатларнинг умумий ва хусусий белгиларига синчковлик билан эътибор қаратишлари лозимлиги юзасидан тарғибот тадбирлари ўтказилиши белгиланган.
Шу муносабат билан жорий йилнинг 30 май куни, Андижон вилояти ИИБ Эксперт-криминалистика маркази ходимлари томонидан Ўзбекистон Республикаси Марказий банкининг Андижон вилоят Бош бошқармаси ҳамда акциядорлик тижорат банкларнинг валюта айрибошлаш бўлими бошлиқлари ва ишчи ходимлари учун ўқув тренинг машғулотлари ўтказилди.
Белгиланган ўқув тренинг машғулоти бўйича мутахассислар томонидан «Қалбаки валюталарни аниқлашда эътибор қаратиладиган муҳим хусусий белгилар» ва чет эл валюталари бўйича турли мавзулар доирасида иштирокчиларга атрофлича назарий ҳамда амалий тушунчалар берилди.
Бир сўз билан айтганда бўлиб ўтган тренинг машғулотлари қизиқарли тарзда олиб борилиб, банк ходимларининг билим ва малакасини янада ошишига хизмат қилди.
Андижон вилояти ИИБ Ахборот хизмати