Наманган вилояти Давлатобод туманида «Чилонзор» намунасини шакллантириш бўйича амалга оширилаётган ишлар муҳокамаси давом этмоқда
2026-02-06 09:00:00 / Янгиликлар
Давлатобод туманида жиноятчилик ва ҳуқуқбузарликларни барвақт олдини олиш, маҳаллаларда хавфсиз муҳитни барқарор сақлаш мақсадида кучайтирилган тартибда хизмат фаолияти ташкил этилди.
Хусусан, ҳар бир маҳаллага масъул ходимлар бириктирилиб, уларнинг келгусидаги хизмат вазифалари аниқ белгилаб берилди.
Жумладан, бугун Наманган вилояти Ички ишлар бошқармаси бошлиғи томонидан туман маҳаллаларига бириктирилган масъул ходимларнинг кундалик хизмат фаолияти муҳокама қилиниб, амалга оширилиши лозим бўлган профилактик тадбирлар юзасидан уларга тегишли вазифалар юклатилди.
Шунингдек, туманда жамоат хавфсизлигини таъминлаш ҳамда жиноятчиликка қарши курашиш бўйича масъул ходимларнинг тақдимоти билан танишилиб, уларнинг ҳисоботлари тингланди.
Барча ҳудудларда манзилли профилактик ишлар ташкил этиш бўйича аниқ топшириқ ва кўрсатмалар берилди.
Наманган вилояти ИИБ Ахборот хизмати