Наманган вилояти Давлатобод туманида Чилонзор тумани намунаси асосида олиб борилаётган профилактик тадбирларнинг дастлабки натижалари муҳокама қилинди
2026-02-04 09:00:00 / Янгиликлар
Давлатобод туманида жиноятчиликка қарши курашиш, ҳуқуқбузарликлар профилактикасини кучайтириш ҳамда маҳаллаларда хавфсиз муҳитни барқарор таъминлаш мақсадида уч босқичли куну тун хизмат ташкил этилди.
Мазкур хизмат доирасида тумандаги барча маҳаллаларга бошқарма соҳавий хизматларининг малакали ходимлар бириктирилиб, уларнинг ҳудудларда бевосита фаолият олиб бориши белгиланди.
Наманган вилояти Ички ишлар бошқармаси бошлиғи томонидан ўзига бириктирилган тумандаги маҳаллаларда хизмат олиб бораётган ходимларнинг иш фаолияти танқидий руҳда кўриб чиқилди. Йўл қўйилган камчиликлар муҳокама қилиниб, келгусида амалга оширилиши лозим бўлган устувор вазифалар аниқ белгилаб берилди.
Шунингдек, «Элобод» ва «Халқлар дўстлиги» маҳаллалари фаолияти билан яқиндан танишилиб, профилактика инспекторлари ҳамда масъул ходимларга ҳудудларда манзилли профилактик ишларни ташкил этиш, криминоген вазиятни барқарор ҳолда сақлаш ва жамоат хавфсизлигини таъминлаш бўйича аниқ топшириқлар берилди.
Бундай ўрганиш ва назорат тадбирлари туманнинг барча маҳаллаларида тизимли равишда давом эттирилиши белгиланди.
Наманган вилояти ИИБ Ахборот хизмати