Наманган вилояти раҳбарлари томонидан маҳаллаларда хавфсиз муҳитни шакллантириш бўйича хизматга жалб этилган шахсий таркибга хизмат олди йўриқномаси ўтказилди
2026-02-03 11:15:00 / Янгиликлар
Наманган шаҳар, Давлатобод ва Янги Наманган туманларида криминоген вазиятни барқарорлаштириш, жиноятчилик ва ҳуқуқбузарликларнинг барвақт олдини олиш, шунингдек, маҳаллаларда хавфсиз муҳитни шакллантириш мақсадида профилактика инспекторлари билан ҳамкорликда манзилли ишларни самарали ташкил этиш чоралари белгиланди. Мазкур йўналишда ҳар бир маҳаллага бошқарма соҳавий хизматларининг масъул ходимлари бириктирилиб, уларнинг ўзига бириктирилган ҳудудларда бевосита фаолият олиб бориши қатъий белгилаб берилди.
Шу муносабат билан бугун вилоят ҳокими Шавкатжон Абдураззоқов ҳамда ҳуқуқни муҳофаза қилувчи органлар раҳбарлари иштирокида “Динамо” ўйингоҳида бошқарма соҳавий хизматларининг маҳаллаларга бириктирилган масъул ходимлари, шунингдек, Наманган шаҳар, Давлатобод ва Янги Наманган туманлари ИИБларининг барча шахсий таркиби учун хизмат олди йўриқномаси ташкил этилди.
Йўриқнома давомида вилоят раҳбарлари томонидан маҳаллаларни жиноятдан холи ҳудудларга айлантириш, аҳолининг муаммоларига тезкор ва самарали ечим топиш, манзилли профилактик тадбирларни тизимли равишда ташкил этиш юзасидан аниқ вазифа ва топшириқлар белгилаб берилди. Шундан сўнг шахсий таркиб белгиланган тартибда хизматга йўналтирилди.
Наманган вилояти ИИБ Ахборот хизмати